بعكسْ السّيرْ
شو منعملْ
صارتْ سوسة ِ
أدمنّا عالإنترنيتْ
متل الجّبنة واللبنة ِ
متلْ الزّعترْ فوقو الزّيتْ
*
*
*
قالوا كبيرة
هالقصّة ْ
وفيكمْ ياما منتوصّى
المسؤولْ بوادي بيكونْ
واللي بيقولو ( يا ريتْ )
*
*
*
حجبوا ال (........)
و الهوتميلْ (hotmail)
صارتْ
حالتنا بالويلْ
بتسألْ مابتفهمْ مننْ
أنا منْ هالحالة ِملّيتْ
*
*
*
يا ناسْ
الوضع تغيّرْ
الدنيي كلا لقدامْ
إلا نحنا بعكسْ السّيرْ
يا غافل إلكْ الله
كلو ماشي عالسّكيتْ
*
*
*
بيقولولكْ
روقْ شويْ
وطوّلْ بالكْ بتنولا
واللي مربّع
عالكرسي
مفكّرْ حالو ربّ البيتْ
*
*
*
السّيرفر( server)
بدّو يتغيّرْ
تا يستوعبْ كلّ النّاسْ
منتأملْ رح يتطوّرْ
بعد الألفينْ بشي ديتْ ( Date)
*
*
*
والخلوي
شو بحكيلكْ
لا تشكيلي ببكيلكْ
عالمَكْسَرْ بيعةْ بطّيخْ
اليومْ بسعر و بكرة بكيتْ
*
*
*
خدماتو
شي عال العالْ
ما بيهمنْ ربحْ ومال ْ
الجماعة قلبنْ شو كبيرْ
ما عندنْ
غيرْ كلمة ويتْ ( wait )
* *
*
يا جماعةْ
وينْ الطّيبْ
الأخلاقْ الحلوة والدّينْ
المالْ بيحكمْ
ما بيدومْ
هوي و أهلوا بيروحو
لا علّيتْ و لا وطّيتْ
*
*
*
الدكتور محمود إسماعيل خليل
سورية حمص ص ب 5455
[email protected] |